Åtvarar ferieklare nordlendingar

Nordlendingar flokkar til Spania for å feriere, men ei vanleg misforståing kan gjere ferien langt dyrare enn mange trur. Gjensidige ser ein tydeleg auke i skadesaker frå Nordland, og særleg Bodø, Rana og Narvik ligg høgt, skriv Avisa Nordland. Det er dermed fleire ting å vere obs på. – For mange i Nordland er Spania eit trygt og kjent reisemål. Nettopp derfor gløymer ein kor dyrt det kan bli når noko først skjer, seier Tobias Kvalvik i Gjensidige til avisa. Ei undersøking viser at fleire trur Europeisk helsetrygdkort fungerer som reiseforsikring. Det gjer det ikkje. Nokre private klinikkar i turistområda tek høge prisar, og fleire reisande blir sende dit utan å vite kva behandlinga kostar. Ifølge Gjensidige kan rekninga bli svært høg. For å unngå dyre overraskingar rår dei til å: • Teikne reiseforsikring • Kontakte alarmsentralen til forsikringsselskapet før behandling • Velje offentleg helsehjelp