Ny politisjef i Lofoten og Vesterålen

Trond Olsen overtar jobben som politisjef for Lofoten og Vesterålen etter Tor Håvard Bentzen. Det var fagbladet Politiforum som fyrst melde om leiarbyte. Bentzen slutta i jobben som geografisk driftseinings leiar (GDE) eller politisjef i mai og har gått over til ein leiarjobb i Forsvarsmateriell. Olsen er fungerande leiar til han formelt går inn i stillinga frå 1. august, melder Politiforum. Han fortel til fagbladet at det geografiske området politiet i regionen må dekke er stort og kronglete. I tillegg er det fleire utanlandske turistar som køyrer på vegane utan tidlegare erfaring. – Det er éin av mange ting som utfordrar oss her nord for tida, seier Olsen til avisa.