«Misje Verde» har fått forlate Sverige

Svenske styresmakter er ferdige med undersøkingane av det norske lasteskipet «Misje Verde». Det er mistanke om at skipet var innblanda i ei båtulukke ved Tjörn i Sverige der to menneske mista livet og to andre blei skadde. Fredag kveld viser Marine Traffic at skipet går for eiga maskin i Skagerrak. Den russiske kapteinen er igjen i Sverige etter at han fredag blei gripen, mistenkt for aktløyse på sjøen og for å vere årsak til ein annans død. Han blei gripen fordi den svenske påtalemakta var redd han skulle flykte, og for å unngå påverknad av vitne eller etterforskinga.