Erik Tomter frå «Team Pølsa» kan bli «årets deltakar»

Den årlege prisutdelinga for norsk TV-bransje går av stabelen 8. mai. Komikar, skodespelar og serieskapar Henriette Steensrup skal leie sjåarane gjennom kvelden. – Gullruten sitt formål er å styrke TV-produksjonsbransjen og stimulere til at det blir produsert norske TV-program av høg kvalitet, seier styreleiar i Gullruten, Vibekke Ringen. Det er heile 20 kategoriar under prisutdelinga. I kategorien «beste dramaserie» kjempar «Pørni», «Nepobaby», «Flukten fra Bolivia» og «Ølhunden Berit» om sigeren. «Team Pølsa» er nominert til «beste reality- og livsstilsprogram», og programleiar Øystein «Pølsa» Pettersen er nominert til «beste programleiar – underhaldning». I tillegg er Erik Damsgård Tomter (14) nominert til «årets deltakar». I sesong to av programmet har ungdommane fått prøve seg som skiskyttarar.