Set av éin million til betre kollektiv på tvers av fylkesgrensa

Fylkesrådet vil styrke kollektivtilbodet i Ofoten og mot Troms, skriv dei i ei pressemelding. – Vi skal rydde opp i hindringane for eit godt kollektivtilbod. Det er jo ingen grunn til at fylkesgrensa til Troms skal vere eit hinder for å utvikle samferdselen i heile regionen. Det seier fylkesrådsleiar, Marianne Dobak Kvensjø i Høgre. Både innbyggarar og næringsliv har løfta fram ei rekke utfordringar, som manglande samordning av rutetider og bilettsystem. Derfor set dei no av 1 million kroner til ei utgreiing av kollektivtilbodet i Ofoten og grensekommunane mot Troms. Denne skal gi eit kunnskapsgrunnlag for forbetring.