Forskarar: Mengda lus i oppdrettsnæringa må ned

For å nå målet frå Havbruksmeldinga om under 10 prosent dødelegheit på villfisk som følgje av lakselus, må talet på lus frå oppdrettsnæringa ned. Det kjem fram i eit samla naturfagleg råd der fleire norske forskingsmiljø har sett på kva som er eit akseptabelt utsleppsnivå av lakselus frå oppdrettsnæringa. Det er Havforskningsinstituttet som skriv dette. I utgangspunktet har det vore snakk om å innføre ei utsleppskvote på luselarvar, omtala som lusekvote. Men forskarane anbefaler at det også framover skal teljast vaksne holus på oppdrettsfisken – og det er dette forskarane har tatt utgangspunkt i når dei har gjort sine berekningar. (illustrasjonsfoto)