Utbetrar hamna på Røst

Kystverket melder at dei vil prioritere Røst fiskerihamn neste år. Hamna har ei krevjande innsegling som no skal utbetrast, skriv Kyst og Fjord. – Røst har krevjande innsegling med grunne område og smal led, og det er også mangel på liggeplassar i hamna. I periodar med høg aktivitet, særleg under skreifisket, blir kapasiteten pressa, skriv Kystverket. Utbetringa av hamna har ei kostnadsramme på 382 millionar kroner. Nyheitene om å prioritere hamna gler ordføraren. – Dette er heilt fantastisk, og heilt på sin plass. Me har venta på dette sidan 2014, seier Røst-ordførar Elisabeth Mikalsen.